Շաբաթ, 14 փետրվարի, 2026 թ.
|
Ստեփանակերտում`   +9 °C

Պուտինը խոսել է Հյուսիս-Հարավ միջանցքի զարգացման մասին

Պուտինը խոսել է Հյուսիս-Հարավ միջանցքի զարգացման մասին
284
Երեքշաբթի, 21 փետրվարի, 2023 թ., 21:48

Ռուսաստանը հատուկ ուշադրություն է դարձնում Հյուսիս-Հարավ միջազգային միջանցքի զարգացմանը, որը նոր հնարավորություններ է բացում Հնդկաստանի, Իրանի և Պակիստանի հետ գործարար համագործակցության համար, ասել է ՌԴ նախագահ Վլադիմիր Պուտինը։

Ինչպես նշել է պետության ղեկավարը, Ռուսաստանի Դաշնությունը կընդլայնի խոստումնալից արտաքին տնտեսական հարաբերությունները և կկառուցի նոր լոգիստիկ միջանցքներ։ Նախագահը, մասնավորապես, հիշեցրել է Մոսկվա-Կազան արագընթաց մայրուղին մինչև Տյումեն, իսկ ապագայում Իրկուտսկ և Վլադիվոստոկ երկարաձգելու որոշումը՝ Ղազախստան, Մոնղոլիա և Չինաստան ելքերով։

«Մենք զարգացնելու ենք Սև և Ազովի ծովերի նավահանգիստները, հատուկ ուշադրություն ենք դարձնելու, արդեն իսկ ուշադրություն ենք դարձնում Հյուսիս-Հարավ միջազգային միջանցքին, արդեն այս տարի Վոլգա-Կասպյան ջրանցքով կկարողանան անցնել առնվազն 4,5 մետր թաղվածք ունեցող նավերը։ Դա բիզնես համագործակցության նոր ուղիներ կբացի Հնդկաստանի, Իրանի, Պակիստանի, Մերձավոր Արևելքի երկրների հետ։ Մենք կշարունակենք զարգացնել այդ միջանցքը»,- ասել է ՌԴ նախագահը։