«Իրանը կկրկնապատկի գազի արտահանման ծավալները դեպի Հայաստան». Դավիթ Գրիգորյան

Հեռուստամեկնաբան, լրագրող Դավիթ Գրիգորյանը ֆեյսբուքյան իր էջում գրել է. «ԻՐԱՆԸ ԿԿՐԿՆԱՊԱՏԿԻ
գազի արտահանման ծավալները Հայաստան՝ մինչև 2 մլն խորանարդ մետր օրական։ Այս համաձայնությունը ձեռք էր բերվել «Գազ՝ էլեկտրաէներգիայի դիմաց» թարմացված համաձայնագրի շրջանակներում։ Ու սա շատ էական, անգամ առանցքային լուր է։
Այժմ Իրանից Հայաստան մտնող գազի ծավալը կազմում է 365 մլն խմ/ տարեկան։ Նախատեսվում է ծավալը հասցնել 734 մլն խմ/տարեկան ծավալի։
Ու ահա, կարծես, ավելի առարկայական են դառնում ձեռբերված համաձայնությունները։ Արդեն խոսվում է իրանական գազատարն ամբողջ ծավալով օգտագործելու հնարավորության մասին։ Իրանը կողմ է սրան։ Նշեմ ուղղակի, որ իրանական գազատարի թողունակությունը կազմում է 2,3 մլրդ խմ/տարեկան, մինչդեռ մենք այն առավելագույնն օգտագործել ենք ընդամենը 500 մլն խմ/ տարեկան ծավալով գազ ներկրելու համար։
Կային արդեն խոսակցություններ, որ պայմանավորվածությունների առկայության դեպքում բարեկամ Իրանն արդեն հաջորդ պահին կարող է կրկնապատկել ծավալը՝ հասցնելով 1 մլրդ խմ/տարեկան ծավալի։ Սակայն, ՀՀ որևէ իշխանություն նման գործարկի գնալու համարձակություն ու կամք չի դրսևորել։
Կա՛ հնարավորություն դիվերսիֆիկացնել մեր գազային ներկրումները։ Ի՞նչ կլինի, եթե հայ-իրանական գազատարը գործի ամբողջ ծավալով ու 2,3 մլրդ խորանարդ մետր ծավալով էլ գազ գա Հայաստան։ Ուղղակի, որպես համեմատություն նշեմ, որ նախորդ տարի ՌԴ-ից ներկրված գազի ծավալը կազմել է ընդհանուր շուրջ 2,6 մլրդ խորանարդ մետր տարեկան։ Այսինքն՝ աննշան ավել, քան կարող է ներմուծվել Իրանից։
Ու իրանական գազի ներկրման ծավալների ավելացման համար լավ հիմք է ՌԴ կողմից ՀՀ նկատմամբ դե ֆակտո գործարկված գազային շանտաժը։ Հիշեցնեմ, որ Գազպրոմը նախօրեին հայտարարել էր, թե իբրև Հայաստանն ու Վրաստանը սնուցող գազատարը խցանվել է ռուսական կողմից ու հայկական ԱԳԼՃԿ-ներում տևական ժամանակ գազ չի լինելու, մեքենաները չեն կարողանալու լիցքավորվել։ Էնպես են ասում «խցանվել է», կարծես խոսքը ոչ թե գազատարի, այլ կոյուղիների մասին է։
Հիմա, ի՞նչն է մեզ խանգարում բարեկամ Իրանից ստանալ պակասուրդն ու թեթևացնել կախվածությունը ՌԴ-ից՝ միաժամանակ թոթափելով գազային կախվածությունը ՌԴ-ից։ Չէ՞ որ, ՌԴ-ն, վաղ թե ուշ, գազային գործիքը մեր դեմ կիրառելու է ամբողջ հզորությամբ։ Եթե արդեն չի սկսել կիրառել։
Սա լավ շանս է, բայց կամք ու տղամարդկություն կա՞»։

«Այո, 4 հոգանոց ընտանիքի մեկ օրվա սննդի վրա մոտ 15 հազար է ծախսվում». Կարեն Վրթանեսյան
42319.11.2026, 20:54
«Գազի գնի 10%-ով թանկացումը բերելու է 0,6% գնաճ»․ Մարտին Գալստյան (տեսանյութ)
40619.11.2026, 16:42
Կալասը հայտարարել է Ռուսաստանի դեմ պատժամիջոցների 22-րդ փաթեթի մասին
195216.11.2026, 22:49
Օդեսայում՝ Mercedes-Benz-ի ավտովաճառքի սրահում հրդեհ է բռնկվել
146015.11.2026, 19:19
Խաղողագործներին փող չեն տալիս․ «Հրապարակ»
80714.11.2026, 09:18
Եվրոպական երկրները պատրաստակամություն են հայտնել աջակցել Հայաստանի առևտրի և էներգետիկ ոլորտների դիվերսիֆիկացմանը
184813.11.2026, 11:18
«Անհուսալի վարկառուների խնդիրը լուծելու համար արդյունավետ կլինի երկաստիճան համակարգված մոտեցումը»․ Հրայր Կամենդատյան
81812.11.2026, 16:00
Ուկրաինական հարվածները փլուզել են Ռուսաստանի նավթավերամշակումը. Reuters
219510.11.2026, 19:37