«Ուկրաինան, ԱՄՆ-ի օգնությամբ, կկարողանա փոխել իրավիճակը մարտի դաշտում». Փենթագոնի ղեկավար

1007

Ուրբաթ, 24 փետրվարի, 2023 թ., 16:06

Փենթագոնի ղեկավար Լյոյդ Օսթինը CNN-ի հետ զրույցում հայտարարել է, որ ԱՄՆ-ի օգնությամբ ուկրաինական զորքերը կկարողանան փոխել իրավիճակը մարտադաշտում: «Մենք պատրաստում և զինում ենք մի քանի մոտոհրաձգային բրիգադ. սա բավականին զգալի ներուժ է։ Ի հավելումն դրան՝ կլինի լրացուցիչ հրետանի, ուստի նրանք հնարավորություն կունենան ճեղքել ռուսական պաշտպանությունն ու մանևրել և, կարծում եմ, որ սա այլ դինամիկա կստեղծի»,- նշել է Օսթինը։
Փենթագոնի ղեկավարը նաև հավելել է, որ ԱՄՆ-ը և միջազգային հանրությունն Ուկրաինայի կողքին կլինեն այնքան ժամանակ, քանի դեռ այն շարունակում է աշխատել իր ինքնիշխան տարածքները վերադարձնելու ուղղությամբ։