Չորեքշաբթի, 24 դեկտեմբերի, 2025 թ.
|
Ստեփանակերտում`   +2 °C

Լավրովն ԱՄՆ-ից «ինչ ասես» ակնկալում է 

Լավրովն ԱՄՆ-ից «ինչ ասես» ակնկալում է 
618
Կիրակի, 26 մարտի, 2023 թ., 19:54

Միացյալ Նահանգները, «ձգտելով հաստատել իր գերիշխանությունն, անցել է դիվանագիտական, էթիկական և ցանկացած այլ պարկեշտության բոլոր սահմանները»: ՌԴ ԱԳ նախարար Սերգեյ Լավրովն այսպես է մեկնաբանել ռուս-չինական գագաթնաժողովի նախօրեին Վաշինգթոնի հայտարարությունները «խաղաղության կոչերի անընդունելիության» մասին։
«Մենք այս մասին խոսել ենք մեր չինացի գործընկերների հետ։ ԱՄՆ-ից այս պահին ամեն ինչ կարելի է սպասել. իրենց գերիշխանությունը հաստատելու համար նրանք անցել են դիվանագիտական, էթիկական և ցանկացած այլ պարկեշտության բոլոր սահմանները»,- ասել է ռուս նախարարը։

Խոսելով ԱՄՆ-ի հայտարարություններին Չինաստանի վերաբերմունքի մասին՝ Լավրովը նշել է, որ չինական կողմը «արտացոլում է մեծ քաղաքակրթության ավանդույթները», որը տարիների ընթացքում մշակել է իր ոճը։

Մարտի 19-ին Սպիտակ տան ազգային անվտանգության խորհրդի ռազմավարական հաղորդակցության համակարգող Ջոն Քիրբին ասել էր, որ Վաշինգթոնն անընդունելի է համարում Ուկրաինայում զինադադարի մասին կոչերը, որոնք կարող են հետևել Վլադիմիր Պուտինի և Սի Ցզինպինի հանդիպմանը։

Կարդացե՛ք նաև