Հինգշաբթի, 25 հուլիսի, 2024 թ.
|
Ստեփանակերտում`   +19 °C

ԱՄՆ-ն զգուշացրել է դոլարի մոտալուտ անկման մասին

ԱՄՆ-ն զգուշացրել է դոլարի մոտալուտ անկման մասին
651
Չորեքշաբթի, 29 մարտի, 2023 թ., 00:36

ԱՄՆ-ն կբախվի աննախադեպ չափերի տնտեսական ճգնաժամի այն բանից հետո, երբ ամերիկյան արժույթը դադարի գերիշխել համաշխարհային շուկայում։ Այս կարծիքը CNN-ի եթերում հայտնել է սյունակագիր Ֆարիդ Զաքարիան։
Նա կարծում է, որ «ուկրաինական ճգնաժամի արդյունքը, որը զուգորդվում է Պեկինի նկատմամբ Վաշինգթոնի ավելի ու ավելի առճակատման մոտեցմամբ», «կատարյալ փոթորիկ» կլինի։ Միաժամանակ, Ռուսաստանն ու Չինաստանը, Զաքարիայի խոսքով, «արագացնում են դիվերսիֆիկացման ուղղությամբ ջանքերը՝ դոլարից հեռանալով»։

Նա նաև նշել է, որ ներկայիս ֆինանսական ճգնաժամի պայմաններում դոլարը թուլանում է, ոչ թե ամրապնդվում, ինչպես նախկինում էր։ Լրագրողն անդրադարձել է ներդրող Ռուչիրա Շարմայի հայտարարությանը՝ «եթե ​​դոլարն իսկապես կորցնում է իր դիրքերը, ապա ամերիկացիները պետք է սկսեն անհանգստանալ, քանի որ Վաշինգթոնը չի պատրաստվում հրաժարվել «աշխարհաքաղաքական վատ սովորություններից՝ աշխարհի ամերիկակենտրոն հայացքից»:
Նա նաև ասել է, որ Սպիտակ տունը սովոր է գերծախսել՝ թքած ունենալով աճող դեֆիցիտի վրա։ Նա նշել է, որ ԱՄՆ-ի պետական ​​պարտքը վերջին 20 տարվա ընթացքում աճել է գրեթե 5 անգամ, իսկ Դաշնային պահուստային համակարգը բազմիցս անառողջ մանիպուլյացիաների միջոցով փրկել է երկրի տնտեսությունը։

«Այս ամենը թույլատրելի էր, ըստ Զաքարիայի, միայն դոլարի յուրահատուկ կարգավիճակի պատճառով»։

Այնուամենայնիվ, «եթե այն փոխվի, ապա Միացյալ Նահանգները կկանգնի աննախադեպ հաշվեհարդարի առաջ»: