ԱՄՆ-ն այս շաբաթ կհայտարարի Ուկրաինային ռազմական օգնության նոր փաթեթի մասին

ԱՄՆ-ն Ուկրաինային ռազմական օգնության նոր փաթեթ կտրամադրի մինչև շաբաթվա վերջ։ Այս մասին երկուշաբթի օրը լրագրողների համար հերթական առցանց ճեպազրույցում հայտարարեց Սպիտակ տան Ազգային անվտանգության խորհրդի ռազմավարական հաղորդակցությունների համակարգող Ջոն Քիրբին։

«Դուք, անշուշտ, կշարունակեք տեսնել, թե ինչպես ենք մենք լրացուցիչ ռազմական օգնության փաթեթներ հատկացնում Ուկրաինային։ Եվ ես կարծում եմ, որ դուք կտեսնեք նրանցից ևս մեկին այս շաբաթ: Ես կոնկրետ ժամկետներ չունեմ»,- ասել է Սպիտակ տան ներկայացուցիչը: