Իտալիայում առգրավվել է Էկվադորից Հայաստան ուղարկված մոտ 3 տոննա կոկաին

Իտալիայի ֆինանսական գվարդիան հայտնաբերել է կոկաինի ռեկորդային խմբաքանակ՝ 2734 կիլոգրամ, որը Հայաստան է ուղարկվել Էկվադորից, այս մասին ասվում է իրավապահ մարմինների տարածած հաղորդագրության մեջ, փոխանցում է РИА Новости-ն: Նշվում է, որ արգելված բեռը կալանավորվել է Կալաբրիայի հարավային շրջանի Ջոյա-Տաուրո քաղաքի նավահանգստում։ «Առգրավված թմրանյութը, որը չափազանց մաքուր էր ու անթերի վիճակում, թմրավաճառներին կբերեր ավելի քան 800 միլիոն եվրո եկամուտ»,- նշված է տեքստում: