«Reuters»-ն աղավաղել է Պարույր Հովհաննիսյանի միտքն ու շփոթել ԱԳ փոխնախարարներին. ՀՀ ԱԳՆ

494

Հինգշաբթի, 21 սեպտեմբերի, 2023 թ., 13:12

ՀՀ ԱԳՆ լրատվության և հանրային դիվանագիտության վարչությունը հաղորդագրություն է տարածել՝ տեղեկացնելով, որ «Reuters» լրատվական գործակալությունն աղավաղել է ԱԳ նախարարի տեղակալ Պարույր Հովհաննիսյանի միտքը, ինչպես նաև շփոթել ԱԳ փոխնախարարներին: Նշվում է, որ լրագրողն ընդունել է իր սխալը և շտկել հոդվածը։ «ՀՀ ԱԳ նախարարի տեղակալ Պարույր Հովհաննիսյանը «Reuters» լրատվականին տված իր հարցազրույցում, պատասխանելով լրագրողի հարցին, թե արդյո՞ք Լեռնային Ղարաբաղի հայերը կարող են ապրել Ադրբեջանի վերահսկողության տակ, նշել է հետևյալը. «Լեռնային Ղարաբաղի հայերը տեսականորեն կարող էին ապրել Ադրբեջանի վերահսկողության տակ, եթե մենք ապրեինք կատարյալ աշխարհում, սակայն պատմությունը վկայում է, որ դա դժվար է պատկերացնել»,- մասնավորապես նշված է ԱԳՆ հաղորդագրության տեքստում:

In an interview to @Reuters emphasized that in an ideal world#Armenia|ns of #NagornoKarabakh could have lived under #Azerbaijan but history makes this very hard to imagine. For that to happen instead of shooting civilians, a dialogue between Stepanakert & Baku is necessary. pic.twitter.com/K3nqoBnZNq
— Paruyr Hovhannisyan (@ParuyrPh) September 20, 2023