«Ինձ հեռացրել են պաշտպանության նախարարի պաշտոնից կրակ բացելու հրաման տալու համար»․ Արշակ Կարապետյանը սենսացիոն հայտարարություններ է արել

ՀՀ պաշտպանության նախկին նախարար (2021-թ. օգոստոսի 2-2021 թ. նոյեմբերի 15), ԳՇ պետի նախկին տեղակալ Արշակ Կարապետյանը տեսաուղերձ է հրապարակել և կոչով դիմել աշխարհի բոլոր երկրների հայերին:

«Մեր երկրի և տարածաշրջանի շուրջ տեղի ունեցած վտանգավոր զարգացումների ականատեսը եղանք, Արցախի սարսափելի դժբախտությանը, որը տեղի ունեցավ ՀՀ իշխանության վախկոտության ու դավաճանության արդյունքում։ Նրանք թողեցին արցախցիներին ճակատագրի քմահաճույքին, լուծարեցին Արցախի ՊԲ-ն։ Արցախում տեղի ունեցած ողբերգական իրադարձությունները Հայաստանի ղեկավարության թուլամորթության և դավաճանության հետևանքն են։

Ինձ հեռացրել են պաշտպանության նախարարի պաշտոնից կրակ բացելու հրաման տալու համար։ Ես հայտարարում եմ, որ, առաջին՝ քաղաքական գործունեություն եմ սկսում։ Երկրորդ նպատակն է ստեղծել քաղաքական շարժում, որի նպատակն է Հայաստանը ներքին և արտաքին թշնամիներից ազատագրելը, որին կարող եք միանալ նաև դուք։ Երրորդ՝ ստեղծել ապահով, անվտանգ համակարգ Հայաստանի պետության պահպանման և զարգացման համար»,- ասել է նա: