Իրանի նախագահը հրաժարվում է կատարել ԱՄՆ-ի պահանջները

Իրանական կողմը չի հետևի ԱՄՆ-ի նախազգուշացումներին, որոնք վերաբերում են պաղեստինա-իսրայելական հակամարտությանը Թեհրանի չմիջամտելուն, հայտարարել է Իրանի նախագահ Էբրահիմ Ռայիսին Al-Jazeera Arabic-ին տված հարցազրույցում։

«Վաշինգթոնը ցանկանում է, որ Իրանը ոչինչ չձեռնարկի Իսրայելի հետ պաղեստինյան հակամարտության հարցում, մինչդեռ ԱՄՆ-ն լայն աջակցություն է ցուցաբերում Իսրայելին, ինչը, ի վերջո, դատարկ և անօգուտ է դարձնում նրանց կոչերը», - հայտարարել է Իրանի նախագահը: