Երկուշաբթի, 15 հուլիսի, 2024 թ.
|
Ստեփանակերտում`   +24 °C

«Այսպիսի հայտարարությունները հիմք են, որ տնտեսվարողներն է՛լ ավելի բարձրացնեն բենզինի և հեղուկ գազի գինը». Գառնիկ Դանիելյան

«Այսպիսի հայտարարությունները հիմք են, որ տնտեսվարողներն է՛լ ավելի բարձրացնեն բենզինի և հեղուկ գազի գինը». Գառնիկ Դանիելյան
251
Ուրբաթ, 17 նոյեմբերի, 2023 թ., 20:33

ԱԺ «Հայաստան» խմբակցության պատգամավոր Գառնիկ Դանիելյանն իր էջում գրում է․ «Վերջին օրերին հնարավոր բոլոր հարթակներից բարձրաձայնում եմ, որ Հայաստանում առանց որևէ օբյեկտիվ պատճառների և տնտեսագիտական հիմնավորումների թանկացել է դիզվառելիքի, բենզինի, հեղուկ գազի գինը։
Քիչ առաջ տեղեկացա, որ Մրցակցության պաշտպանության հանձնաժողովը անդրադառնալով հարցին՝ արձանագրել է, որ ՀՀ-ում բենզինի գործող գներն արտահայտում են օբյեկտիվ իրականությունը:
Դեռ ավելին, հաղորդագրության մեջ նշված է, որ Հանձնաժողովը մշտական կապի մեջ է գտնվում տնտեսավարողների հետ և, որ, գների բարձրացմանը զուգահեռ, տնտեսավարողները նվազեցրել են իրենց շահույթը՝ նպատակ ունենալով ստեղծված պայմաններում հնարավորինս մեղմել գների ավելացումը:
Նախ նշեմ, որ ես անդրադարձել էի նաև հեղուկ գազի թանկացմանը, բայց իրենց «ձեռնտու» է եղել անդրադառնալ միայն բենզինի խնդրին։
*Ստացվում է, որ Հանձնաժողովը, իբրև թե, կատարել է ուսումնասիրություն և պարզել, որ թանկացումներն օբյեկտիվ հիմքեր ունեն։ Մինչդեռ, այսպիսի հայտարարությունները հիմք կարող են հանդիսանալ, որպեսզի տնտեսվարողները է՛լ ավելի բարձրացնեն բենզինի և հեղուկ գազի գինը։
*ՄՊՀ-ն, փաստորեն, պաշտպանում է ոչ թե քաղաքացու, այլ միայն խոշոր բիզնեսի շահերը՝ չկատարելով իր պարտականությունները։
*Սա անընդունելի է, և ես շարունակելու եմ պահանջել, որպեսզի թանկացման պատճառները պարզելու համար իրականացվի օբյեկտիվ ուսումնասիրություն»։

Աղբյուրը`   Գառնիկ Դանիելյան