Ո՞վ է հրկիզել Երևանում գտնվող սինագոգի դռները. ՔԿ-ի պարզաբանումը
![]() 196 Ուրբաթ, 17 նոյեմբերի, 2023 թ., 21:24 2023թ. նոյեմբերի 15-ին հաղորդում է ստացվել այն մասին, որ նույն օրը, ժամը 06:00-ի սահմաններում, անհայտ անձը Երևան քաղաքի Նար-Դոս փողոցի 23-րդ հասցեում գտնվող շինության առաջին և երկրորդ հարկերի մուտքերի դռները հրկիզելու միջոցով պատճառել է գույքային վնաս, հայտնում են Քննչական կոմիտեից։ Դեպքի առթիվ ՀՀ քննչական կոմիտեի Երևան քաղաքի քննչական վարչության Էրեբունի և Նուբարաշեն վարչական շրջանների քննչական բաժնում 2023 թվականի նոյեմբերի 16-ին ՀՀ քրեական օրենսգրքի 264-րդ հոդվածի 2-րդ մասի 2-րդ կետով նախաձեռնվել է քրեական վարույթ: Նախաքննության ընթացքում կատարվել է դեպքի վայրի զննություն, հարցաքննվել են մի շարք անձինք։ Պատճառված գույքային վնասը պարզելու նպատակով նշանակվել է համապատասխան փորձաքննություն։ Ոստիկանությանը տրվել է քննության համար հետաքրքրություն ներկայացնող հանգամանքները, հանցանքն առերևույթ կատարած անձին հայտնաբերելու նպատակով օպերատիվ-հետախուզական միջոցառումներ իրականացնելու հանձնարարություն։ Քրեական վարույթի նախաքննության ընթացքում պարզվել է, որ նշված հասցեում գտնվող շինությունը հանդիսանում է հրեական կրոնական նշանակությամբ օգտագործվող շենք։ Փաստական տվյալներ են ձեռք բերվել առ այն, որ վերը նկարագրված գործողությունները կատարողը ՀՀ-ում չբնակվող և ՀՀ քաղաքացի չհանդիսացող անձ է, որը, ըստ ստացված տվյալների, վերոնշյալ հանցավոր արարքը կատարվելուց անմիջապես հետո լքել է ՀՀ տարածքը։ Տվյալներ են ստացվել նաև այն մասին, որ վերջինիս կողմից այդ հանցավոր արարքները տեսանկարահանվել են։ Տեսագրության զննությամբ, ինչպես նաև այլ փաստական հանգամանքներով պարզվել է, որ վերջինս ռասայական, ազգային, էթնիկական, կրոնական թշնամանք հարուցելու նպատակով մշակութային արժեքները ոչնչացնելու կամ վնասելու եղանակով կատարել է առերևույթ հանցագործություն, նշված տեսագրությունները տեղադրվել և տարածվել են տելեգրամյան ադրբեջանական կայքում, ինչպես նաև նույն տեսագրությունը հրապակվել է «X» սոցիալական հարթակում։ Հաշվի առնելով, որ նախաքննությամբ ձեռք են բերվել առերևույթ ռասայական, ազգային, էթնիկական կամ կրոնական թշնամանք հարուցելու նպատակով մշակութային արժեքներ, այդ թվում՝ կրոնական կամ ծիսական նշանակության շենք, շինություն վնասելու հատկանիշներ պարունակող տվյալներ՝ քրեական վերոնշյալ վարույթի նյութերով նախաձեռնվել է նոր քրեական վարույթ՝ ՀՀ քրեական օրենսգրքի 146-րդ հոդվածի հատկանիշներով, որոնք միացվել են մեկ վարույթում։ Քննչական ենթակայության կարգով, նշված վարույթն ուղարկվել է ՀՀ Ազգային անվտանգության ծառայության քննչական դեպարտամենտ՝ հետագա նախաքննությունն իրականացնելու նպատակով։ |
«Սա ևս մեկ անգամ բոլորին ի գիտություն, որ նիկոլի դեմ միայն պետք է պայքարել». Հռիփսիմե Առաքելյան
12100:06«Ընդամենը մեկ դատական նիստին ներկա չի եղել, այն էլ մեծ հարցական է՝ ծանուցված եղե՞լ է, թե՞ ոչ». Զարուհի Փոստանջյան
68Երեկ, 23:42«Կարապետյանը սոցիալական պատասխանատվություն է վերցնում իր վրա». Արթուր Գևորգյան
123Երեկ, 23:30«Պարգև Սրբազանն արձագանքեց մեր խնդրանքին». Շպռոտ (տեսանյութ)
135Երեկ, 22:48Թայվանի զինվորականները քաղաքային մարտի վարժանքներ են սկսել՝ չինական ներխուժմանը նախապատրաստվելու համար (տեսանյութ)
158Երեկ, 21:16Սլովակիան կրկին խափանեց Ռուսաստանի դեմ նոր պատժամիջոցները
189Երեկ, 20:52«Այսպիսի մարդկանց պետք է երեխաներին մոտիկ չթողնել». Հովսեփ Կուբատյան (տեսանյութ)
236Երեկ, 20:24«Տեղատարափ՝ Վանաձորում». Գագիկ Սուրենյան
193Երեկ, 19:42