«Ադրբեջանական նարատիվները տարածող ցանկացած անձ ժողովրդավարության թշնամին է»․ Հայկ Խանումյան

Արցախի ՏԿԵ նախկին նախարար Հայկ Խանումյանի ֆեյսբուքյան գրառումը․ «Ղարաբաղյան շարժումը մարդու իրավունքների, ժողովրդի իրավունքների համար պայքարի շարժում էր, որը պսակվեց Արցախի Հանրապետության ստեղծմամբ։ Արցախի Հանրապետության կործանումը հակաժողովրդավարական, մարդու իրավունքները ժխտող ռեժիմի հաղթանակն էր համամարդկային արժեքներ դավանող և դրա համար պայքարող հասարակության նկատմամբ։ Այսօր այդ հակաժողովրդավարական ռեժիմը փորձում է ամենուր տարածել իր նարատիվները և արժեքները՝ կեղծելով պատմությունը, ահաբեկելով սարսափածներին և գնելով ժողովրդավարական երկրների ներկայացուցիչներին։ Ադրբեջանական նարատիվները տարածող ցանկացած անձ ժողովրդավարության թշնամին է և սպառնալիք մարդու իրավունքների համար»։