«Մենք եղել ենք անվտանգություն արտադրող և ոչ թե՝ սպառող երկիր»․ քաղաքագետ

Քաղաքագետ Հրանտ Մելիք-Շահնազարյանը տեսանյութ է տարածել ֆեյսբուքյան իր էջում՝ կից գրառմամբ․ «Մինչև 44-օրյա պատերազմում պարտությունը, Հայաստանը եղել է տարածաշրջանի անվտանգության հիմնական երաշխավորներից մեկը։ Մենք եղել ենք անվտանգություն արտադրող և ոչ թե՝ սպառող երկիր։ Բայց հիմա մենք անվտանգություն սպառող երկիր ենք, մեզ բոլորն ուզում են գալ և օգնել, բայց բոլորը միասին չեն կարողանում այնպես անել, որ այս կործանարար ընթացքից դուրս գանք։ Հետևաբար՝ մենք ինչպե՞ս ենք սպասարկելու ոչ միայն մեր, այլև ընդհանրապես տարածաշրջանի խաղաղության օրակարգը։ Դրա ռեսուրսը չկա»։