«Սա կարա գործակալի խոսք լինի, բայց ո՛չ՝ իշխանության ներկայացուցչի». Արծվիկ Մինասյան

«Իշխանության ներկայացուցչի շուրթերով լսել արտահայտություն, որ բանակը պատերազմից առաջ խեղճ է եղել, սա սարսափելի թերաժևորում է մեր ԶՈՒ-ին: Բանակը խեղճացրել եք դո՛ւք՝ ձեր իշխանության առաջին պահից սկսած. բանակի խեղճացման հիմքում ձեր գործողություններն են եղել»,- ԱԺ պետաիրավական հարցերի հանձնաժողովի արտահերթ նիստում, «ՀայաՔվե» քաղաքացիական օրենսդրական նախաձեռնության օրենքի նախագծի քննարկման ժամանակ, հայտարարել է ընդդիմադիր խմբակցության պատգամավոր Արծվիկ Մինասյանը՝ խոսքն ուղղելով ՔՊ-ականներին: ««Բազմաթիվ անգամ ՀՀ նախկին իշխանությունները ճանաչել են Արցախն Ադրբեջանի կազմում». սա ՀՀ-ն ներկայացնող իշխանության ներկայացուցչի խոսք չէ, սա կարա գործակալի խոսք լինի, բայց ո՛չ՝ իշխանության ներկայացուցչի»,- հավելել է Մինասյանը: Վերջինն առաջարկել է հարցի քննարկումը քվեարկության փուլում հետաձգել՝ լրամշակելու նպատակով: