Ի՞նչ են պայմանավորվել ԵԱՏՄ նիստի մասնակիցները. #МИР24

Սանկտ Պետերբուրգում ԱՊՀ երկրների ղեկավարներն այսօր կհանդիպեն ոչ պաշտոնական գագաթնաժողովի շրջանակներում: Այն կամփոփի անցնող տարին և կնախանշի ապագայի ծրագրերը։ Մի շարք պետությունների ղեկավարներ ժամանել են դեռ նախօրեին և մասնակցել Եվրասիական տնտեսական բարձրագույն խորհրդի նիստին: Նիստի արդյունքները ներկայացնում է МИР 24-ը:

«Բելառուսի նախագահ Ալեքսանդր Լուկաշենկոն Սանկտ Պետերբուրգում կայացած «եվրասիական հնգյակի» հանդիպումից առաջ ընդգծել է Եվրասիական տնտեսական միության յուրահատկությունը: Նա վստահ է՝ ԵԱՏՄ-ում համագործակցության մակարդակը զգալիորեն բարձր է, քան շատ միջազգային կազմակերպություններում:

«Նախկինում վերլուծվել է բոլոր ասոցիացիաների աշխատանքը՝ ՇՀԿ, ԲՐԻՔՍ և այլն: Մենք ամենաառաջադեմն ենք: Ո՛չ ՇՀԿ-ն, ո՛չ ԲՐԻՔՍ-ը չունեն այսպիսի սերտ կապեր, չեն խոսում նույն լեզվով, ինչպես բոլորս՝ առանց թարգմանչի: Եվ, ամենակարևորը, տնտեսության մեջ չունեն միասնական տնտեսական տարածք: Մենք 10 տարում ԵԱՏՄ-ում կրկնապատկել ենք ապրանքաշրջանառությունը»,- ասել է Լուկաշենկոն:

Անցնող 2023-ը բարդ էր Միության համար. երկրորդ տարին անընդմեջ Կազմակերպությունն աշխատում է արևմտյան պատժամիջոցների ճնշման ներքո: Բայց արդյունքները, որոնք ամփոփվել են, դրական են եղել: Օրինակ՝ Ռուսաստանից Ղազախստանով գազ է մատակարարվում Ուզբեկստան:

«Փորձագետների կանխատեսմամբ՝ մյուս տարի գլոբալ տնտեսությունը կաճի չափավոր, եթե չասենք դանդաղ տեմպերով: Եվրասիական միությունը՝ լինելով համաշխարհային տնտեսության անբաժանելի մասը, 2 և 6 տրիլիոն դոլար արժողությամբ շուկայով, հնարավոր է, զգա այդ դանդաղումը։ Ուստի մենք պետք է առավելագույնս օգտագործենք առկա տնտեսական պահուստները և փոխշահավետ ինտեգրման առկա ներուժը»,- ասել է Ղազախստանի նախագահ Կասիմ-Ժոմարտ Տոկաևը:

«Ակտիվանում է ԵԱՏՄ անդամ պետությունների արտադրողների միջև համագործակցությունը: Կոոպերացիոն ապրանքների տեսակարար կշիռը փոխադարձ առևտրի ընդհանուր ծավալում 2022 թվականին աճել է մինչև 38%: Փուլ առ փուլ ավելանում է ազգային արժույթների մասնաբաժինը փոխադարձ առևտրում»,- ասել է Ղրղզստանի նախագահ Սադիր Ժապարովը:

Ընդհանուր ենթակառուցվածքի և միջազգային տրանսպորտային միջանցքների զարգացումը հիմնական խնդիրներից մեկն է, որը լուծել են Համագործակցության երկրները անցնող տարում: Բարեկեցության մակարդակը կախված է արտադրված ապրանքների և ծառայությունների ծավալից, համախառն ներքին արդյունքից։ Համագործակցության ինը ամիսների ընթացքում այն աճել է ավելի քան երեք տոկոսով:
«Այդ ընթացքում արդեն երկու անգամ ավելացել է փոխադարձ առևտրի ծավալը, իսկ ՀՆԱ-ն աճել է 1,6-2,5 տրիլիոն դոլարով: Ստեղծվել են ապրանքների, ծառայությունների, կապիտալների և աշխատանքային ռեսուրսների տարողունակ, համաձայնեցված կանոններով աշխատող միասնական շուկաներ, և, ամենակարևորը, Եվրասիական միությունը կայացել է որպես միջազգային միավորում: Դա նպաստում է մեր պետությունների քաղաքացիների կյանքի որակի բարելավմանը»,- ասել է Ռուսաստանի նախագահ Վլադիմիր Պուտինը:

«Հայկական կողմը ողջունում է լիաֆորմատ համաձայնագրի ստորագրումը, որը կնպաստի Իրանի հետ առևտրատնտեսական, լոգիստիկ և տրանսպորտային կապերի ամրապնդմանը և թույլ կտա ամուր պայմանագրային հիմք դնել»,- ասել է Հայաստանի վարչապետ Նիկոլ Փաշինյանը:

Հավելենք, որ յոթ տարվա ընթացքում ԵԱՏՄ երկրները 28 միլիարդ դոլարի շահույթ են ստացել։ Յուրաքանչյուր տարի միությունը նախագահում է մասնակից երկրներից մեկը։ Այս տարի Ռուսաստանն իր լիազորությունները կփոխանցի Հայաստանին»,- գրում է МИР 24-ը: