«ՊԵԿ-ը թույլ չի տալիս մեր քաղաքացիներին օգտվել ԵԱՏՄ-ի տրամադրած նոր արտոնությունից»․ Գ․ Դանիելյան

ԱԺ «Հայաստան» խմբակցության պատգամավոր Գառնիկ Դանիելյանի ֆեյսբուքյան գրառումը․ «ԵԱՏՄ-ն մինչև 2024 թվականի ապրիլի 1-ը երկարաձգել է անձնական օգտագործման ապրանքների անմաքս ներմուծման բարձր շեմը։
Նշեմ, որ դեռևս 2022 թվականից որոշում էր կայացվում և պարբերաբար երկարաձգվում էր, որ ֆիզիկական անձանց համար ԵԱՏՄ-ի տարածքում մինչև 31 կգ և (կամ) 1000 եվրո արժողությամբ առաքվող ապրանքների դեպքում քաղաքացիները չեն հարկվի։
Որպեսզի մեր հայրենակիցների համար ավելի պարզ լինի, նշեմ, որ խոսքը փոստային ծառայության, Ամազոն, Ալիբաբա և այլ առցանց համակարգերով ապրանքներ ձեռք բերելու և առանց մաքսազերծման ՀՀ բերելու մասին է։ Այդ համակարգերով մեր բազմաթիվ քաղաքացիներ մինչ օրս մատչելի տարբերակով ձեռք են բերել անձնական գործածման բազմատեսակ ապրանքներ։
Տեղեկացա, որ օրերս ԵԱՏՄ մակարդակով որոշում է կայացվել մինչև 2024 թվականի ապրիլի 1-ը երկարաձգելու անմաքս առևտրի շեմը։
Ինչպես նախորդ տարի, այնպես էլ՝ այս տարի, ՀՀ ՊԵԿ-ը մեր քաղաքացիներին այս արտոնությունից օգտվելու հնարավորություն տալու ցանկություն կարծես թե չունի։
Մինչդեռ, այս հնարավորությունից օգտվելու համար անհրաժեշտ է ընդամենը փոխել ներքին (ազգային) օրենսդրությամբ սահմանված առավել խիստ նորմը՝ 200.000 դրամի արտոնության շեմը դարձնելով 1.000 եվրո:
Այս ոլորտում միտումնավոր անգործությունը փաստում է մի բանի մասին․ ՀՀ իշխանությունները և ՊԵԿ-ը շարունակում են պաշտպանել միմիայն խոշոր ներկրողների շահերը»։

«Այո, 4 հոգանոց ընտանիքի մեկ օրվա սննդի վրա մոտ 15 հազար է ծախսվում». Կարեն Վրթանեսյան
41319.11.2026, 20:54
«Գազի գնի 10%-ով թանկացումը բերելու է 0,6% գնաճ»․ Մարտին Գալստյան (տեսանյութ)
39619.11.2026, 16:42
Կալասը հայտարարել է Ռուսաստանի դեմ պատժամիջոցների 22-րդ փաթեթի մասին
192116.11.2026, 22:49
Օդեսայում՝ Mercedes-Benz-ի ավտովաճառքի սրահում հրդեհ է բռնկվել
144515.11.2026, 19:19
Խաղողագործներին փող չեն տալիս․ «Հրապարակ»
80214.11.2026, 09:18
Եվրոպական երկրները պատրաստակամություն են հայտնել աջակցել Հայաստանի առևտրի և էներգետիկ ոլորտների դիվերսիֆիկացմանը
183313.11.2026, 11:18
«Անհուսալի վարկառուների խնդիրը լուծելու համար արդյունավետ կլինի երկաստիճան համակարգված մոտեցումը»․ Հրայր Կամենդատյան
81212.11.2026, 16:00
Ուկրաինական հարվածները փլուզել են Ռուսաստանի նավթավերամշակումը. Reuters
218010.11.2026, 19:37