Իսրայելի արտգործնախարարն Էրդողանին հիշեցրել է հայերի ու քրդերի ցեղասպանության մասին

Իսրայելի արտգործնախարարն, ի պատասխան Թուրքիայի նախագահ Էրդողանի հայտարարությունների, հիշեցրել է հայերի ցեղասպանության մասին:

«Թուրքիայի նախագահ Ռեջեփ Թայիփ Էրդողանը՝ իր անցյալում Հայոց ցեղասպանություն ունեցող երկրից, այժմ պարծենում է անհիմն պահանջներով Իսրայելը թիրախավորելու համար: Մենք հիշում ենք հայերին, քրդերին. ձեր պատմությունն ինքնին խոսում է: Իսրայելը ոչ թե կործանում է, այլ պաշտպանվում է ձեր բարբարոս դաշնակիցներից»,- գրել է նա:

Հիշեցնենք՝ Էրդողանն ավելի վաղ ՄԱԿ-ի Միջազգային դատարան է ներկայացրել Իսրայելին պատասխանատվության ենթարկելու համար փաստաթղթեր։