«Ինքն է ցանկացել, ոչ՝ ես». Իվանիշվիլին՝ Ղարիբաշվիլու հրաժարականի մասին

Վրաստանի վարչապետ Իրակլի Ղարիբաշվիլին ինքն է ցանկություն հայտնել լքել պաշտոնը: Այս մասին, Спутник Грузия-ի հաղորդմամբ, հայտարարել է «Վրացական երազանք՝ Ժողովրդավարական Վրաստան» իշխող կուսակցության հիմնադիր, միլիարդատեր Բիձինա Իվանիշվիլին:

«Ի՞նչը պետք է ինձ դուր չգա: Տեսեք, թե ինչպիսի մարդ է նա: Նա ինքն է ցանկացել, ոչ՝ ես»,- ասել է Իվանիշվիլին:

Ղարիբաշվիլին վարչապետի պաշտոնը զբաղեցրել է երկու անգամ՝ 2021-2024թթ., ինչպես նաև 2013-2015թթ.: Նա Բիձինա Իվանիշվիլու աջ ձեռքն էր կուսակցության հիմնադրման շրջանում:

Նոր վարչապետի թեկնածուն կուսակցության արդեն նախկին նախագահ Իրակլի Կոբախիձեն է։