«Քանի դեռ փողոցում տեղի ունեցող պրոցեսներին հազարավորներ չեն մասնակցում, գործերը լավ չեն լինելու». Սուրեն Սահակյան

Հասարակական գործիչ Սուրեն Սահակյանը ֆեյսբուքյան իր էջում գրում է. «Իհարկե, ոստիկանության ներկայացուցիչների կողմից բռնության բոլոր դեպքերը պետք ա բաձրաձայնվեն, մեղավորները պատժվեն, էդ երևույթը քոքից կտրվի։ Առավել զզվելի են էն դեպքերը, երբ դրանք քաղաքական մոտիվներ ունեն ու թույլատրվում, հանձնարարվում են քաղաքական ղեկավարության կողմից։
Բայց փորձված բան ա՝ դրա մասին մենակ ստատուս գրելը չի օգնում։ Էս քաղաքական ռեժիմը դեռ նոր-նոր ձևավորման փուլում ա։ Դրա դեմ պետք ա պայքարել իրական կյանքում, ոչ վիրտուալ։ Հետո ուշ ա լինելու։ Հիմա հեշտ ա։ Բայց նույնիսկ հիմա՝ հեշտ ժամանակները, ստատուս գրելով ոչինչ չենք կանխելու։ Քանի դեռ փողոցում տեղի ունեցող պրոցեսներին հազարավորներ չեն մասնակցում, գործերը լավ չեն լինելու։ Ամոթանք տալով չի։ Միայն համեմատեք՝ մարդիկ քո ինքնությունը հետևողականորեն ոչնչացնում են, դու ամոթանք ես տալիս ու անցնում քո առօրյա գործերին։ Տենց չի դառնա»։