«ՀԱՊԿ-ն ամբողջ ծավալով պահպանում է ՀՀ-ի նկատմամբ պարտավորությունները»․ ՀԱՊԿ գլխավոր քարտուղար

Չնայած ՀԱՊԿ միջոցառումներին մասնակցությունը դադարեցնելու Հայաստանի որոշմանը՝ կազմակերպությունն ամբողջ ծավալով պահպանում է Երևանի նկատմամբ իր պարտավորությունները։

«Եթե Հայաստանի ղեկավարությունը որոշի լքել կազմակերպությունը, դա կլինի Հայաստանի ինքնիշխան իրավունքը։ ՀԱՊԿ-ն իր աշխատանքում հաշվի է առնում Անդրկովկասյան տարածաշրջանում ՆԱՏՕ-ի ակտիվության աճը, սակայն Հավաքական անվտանգության պայմանագիրը մեղմ դաշնակցություն է առաջարկում, որը ենթադրում է մասնակից երկրների ինքնիշխանության հարգանք և կոշտ կարգապահության բացակայություն։

Հայաստանն իսկապես սահմանափակել է իր մասնակցությունը ՀԱՊԿ աշխատանքներին, սակայն փոխգործակցության հիմնական մեխանիզմները գործում են, աշխատանքը կազմակերպության օրակարգի շուրջ շարունակվում է։ Հայաստանի նկատմամբ ՀԱՊԿ բոլոր պարտավորությունները պահպանվում են կազմակերպության կանոնադրական նպատակներին և սկզբունքներին համապատասխան։ Եթե հայկական ղեկավարությունը որոշի լքել կազմակերպությունը, դա կլինի Հայաստանի ինքնիշխան իրավունքը»,-ասել է ՀԱՊԿ գլխավոր քարտուղարը։