«Ողջունում ենք Ղազախստանում բանակցություններ անցկացնելու՝ Ադրբեջանի ու Հայաստանի համաձայնությունը»․ Տոկաև

Ղազախստանի նախագահ Կասիմ-Ժոմարտ Տոկաևը հայտարարել է, որ ողջունում է Ալմաթիում Հայաստանի և Ադրբեջանի ԱԳ նախարարների մակարդակով բանակցություններ անցկացնելու համաձայնությունը։ Ինչպես հայտնում են ղազախական լրատվամիջոցները, այս մասին ասվում է Տոկաևի հայտարարության մեջ:

«Այս կարևոր միջոցառումը տեղի կունենա Ալմաթիում, որտեղ 1991թ․ դեկտեմբերին ստորագրվեց պատմական Ալմա Աթայի հռչակագիրը, որն ամրագրեց ԱՊՀ երկրների անկախ զարգացման հիմքերը և հաստատեց միջպետական սահմանների որոշման սկզբունքները»,- ասել է Տոկաևը՝ հավելելով, որ առաջիկա հանդիպումը կծառայի կողմերի պայմանավորվածությունների գործնական իրականացմանը և կնպաստի Հարավային Կովկասում տևական խաղաղության շուտափույթ հաստատմանը։