Երեքշաբթի, 19 օգոստոսի, 2025 թ.
|
Ստեփանակերտում`   +21 °C

Վրաստանի նախագահը քաղաքացիներին կոչ է արել ընտրություն կատարել Եվրոպայի և Ռուսաստանի միջև

Վրաստանի նախագահը քաղաքացիներին կոչ է արել ընտրություն կատարել Եվրոպայի և Ռուսաստանի միջև
609
Հինգշաբթի, 02 մայիսի, 2024 թ., 14:30

Վրաստանի նախագահ Սալոմե Զուրաբիշվիլին քաղաքացիներին կոչ է արել ընտրություն կատարել Եվրոպայի և Ռուսաստանի միջև։ «Խնդիրը շատ ավելի լուրջ է, քան «Օտարերկրյա ազդեցության թափանցիկության մասին» օրինագիծը, գլխավորն այն է, թե ինչ տեղի կունենա ընտրությունների ժամանակ»,- ասել է նա՝ բրիտանական Sky News-ին տված հարցազրույցում՝ մեկնաբանելով «Վրացական երազանք» կուսակցության որոշումը՝ շարունակել առաջ մղել վիճահարույց օրենքը, ինչպես նաև ցույցի մասնակիցներին ցրելը։ «Բիձինա Իվանիշվիլին Վրաստանի գործընկերներին՝ Արևմուտքին և Եվրոմիությանը, հայտարարել է թշնամիներ և գործակալներ, որոնք փորձում են հեղափոխություն կազմակերպել Վրաստանում։ Հետևաբար, առաջիկա ընտրություններում քաղաքացիները ստիպված կլինեն քվեարկել Եվրոպայի կամ Ռուսաստանի օգտին»,- ասել է Զուրաբիշվիլին։