Սպիտակ տունը մեկնաբանել է Զելենսկու դեմ մահափորձի մասին տեղեկությունը

Վաշինգթոնը մտահոգված է Վլադիմիր Զելենսկու դեմ մահափորձի մասին տեղեկություններով։ Այս մասին հայտարարել է Սպիտակ տան խոսնակ Քարին Ժան-Պիեռը, գրում է ՏԱՍՍ-ը։

Նախօրեին Ուկրաինայի անվտանգության ծառայությունը հայտարարել էր Ուկրաինայի պետական պահպանության վարչության երկու գնդապետերի ձերբակալության մասին։ Հատուկ ծառայությունների տվյալներով՝ կասկածյալներն աշխատում էին ՌԴ ԱԴԾ-ի համար և բացի Զելենսկու դեմ մահափորձից, ծրագրում էին մահափորձ իրականացնել Հետախուզության գլխավոր վարչության ղեկավար Կիրիլ Բուդանովի և Ազգային անվտանգության ծառայության ղեկավար Վասիլի Մալյուկի դեմ։

Քարին Ժան-Պիեռի խոսքով՝ ԱՄՆ-ն ծանոթ է այդ տեղեկությանը։ «Մենք տեսել ենք այդ հաղորդագրությունը։ Իհարկե, դա մտահոգություն է առաջացնում։ Եվ, անշուշտ, մենք ուրախ ենք, որ հնարավոր մահափորձը խափանվել է»,- ասել է նա։