«Երբեք չէի պատկերացնի, որ իրար բզկտող ուժերի կողմից կլինի էսպիսի համերաշխություն»․ Մենուա Սողոմոնյան

«Տպավորությունը շատ լավ է, հրաշալի, անսպասելի, սպասելիքները գերազանցված են։ Երբեք չէի պատկերացնի, որ մեկ դահլիճում, ստացիոնար պայմաններում իրար բզկտող քաղաքական ուժերի կողմից կլինի էսպիսի համերաշխություն, ըմբռնում, որ բոլորս գտնվում ենք նույն նավի վրա, ծովը փոթորկված է, ու եթե չկարողանանք միասին նավարկել դեպի խաղաղ ափեր, կկործանվենք․ սա բոլորի մոտ կա»,- լրագրողների հետ զրույցում ասաց «ՀայաՔվե» քաղաքացիական նախաձեռնության անդամ Մենուա Սողոմոնյանը՝ անդրադառնալով Բագրատ Սրբազանի հանդիպմանը քաղաքական ուժերի ներկայացուցիչների հետ, որը դեռևս չի ավարտվել։