«Ամերիկյան տանկերը չփոխեցին իրավիճակը»․ Զելենսկի

ԱՄՆ-ի կողմից Ուկրաինային մատակարարված Abrams տանկերը չեն փոխել մարտի դաշտում իրավիճակը։ Այս մասին Ռոնալդ Ռեյգանի կենտրոնում ելույթի ժամանակ ասել է Ուկրաինայի նախագահ Վլադիմիր Զելենսկին։

«Վստահ չեմ, որ այդ տանկերը փոխել են իրավիճակը մարտի դաշտում»,- ասել է նա։

ԱՄՆ-ն համաձայնել էր 2023թ․ հունվարին Abrams տանկեր ուղարկել Ուկրաինա, սակայն ռազմի դաշտում ամերիկյան տանկերը հայտնվել են միայն այս տարվա սկզբին և էական դեր չեն խաղացել։ Դրանից հետո արևմտյան ԶԼՄ-ները սկսել են գրել, որ Ուկրաինայի զինված ուժերը դադարել են կիրառել Abrams-ը՝ ռուսական անօդաչուների ակտիվության պատճառով։