«Հուսով ենք՝ Երևանի և Մինսկի կոնֆլիկտը շուտով կավարտվի»․ ՌԴ ԱԳՆ

640

Ուրբաթ, 12 հուլիսի, 2024 թ., 10:36

Ռուսական կողմը շահագրգռված է, որպեսզի Երևանի և Մինսկի միջև ներկայիս կոնֆլիկտային շրջանը շուտ ավարտվի։ Այս մասին РИА Новости-ին ասել է ՌԴ փոխարտգործնախարար Միխայիլ Գալուզինը: Պատասխանելով հարցին՝ արդյոք Ռուսաստանը մտադիր է մասնակցել Հայաստանի վարչապետ Նիկոլ Փաշինյանի և Բելառուսի նախագահ Ալեքսանդր Լուկաշենկոյի միջև կոնֆլիկտի կարգավորմանը, Գալուզինը նշել է․ «Ցավոք, դժվար է բացատրել այն կոշտ դիրքորոշումը, որը որդեգրել են Հայաստանի իշխանությունները Բելառուսի իրենց գործընկերների նկատմամբ»։

«Ամեն դեպքում ակնկալում ենք, որ ժամանակավոր տարաձայնությունները բացասական ազդեցություն չեն ունենա ընդհանուր ինտեգրացիոն միավորումների շրջանակում փոխգործակցության վրա»,- հավելել է Գալուզինը։