Ուրբաթ, 02 հոկտեմբերի, 2026 թ.
|
Ստեփանակերտում`   +13 °C

Նիգերիայում դպրոցի շենքի փլուզման պատճառով 16 աշակերտ է մահացել, տասնյակները փլատակներում են

Նիգերիայում դպրոցի շենքի փլուզման պատճառով 16 աշակերտ է մահացել, տասնյակները փլատակներում են
3771
Ուրբաթ, 12 հուլիսի, 2024 թ., 20:06

Նիգերիայի կենտրոնական մասում դասերի ժամանակ փլուզվել է դպրոցի շենքի մի մասը, ինչի հետևանքով 16 աշակերտ է մահացել։

Այս մասին հայտնում է Agence France-Presse-ը։

Ավելի վաղ նիգերական լրատվամիջոցները հայտնել էին յոթ զոհի մասին:

Channels TV-ն հայտնել է, որ մոտ 40 ուսանող փրկվել է։ Նրանց բուժօգնություն է ցուցաբերվում, տուժածների համար հայտարարվել է արյան հավաքագրում։ Աղբյուրը նաև պնդում է, որ փլատակների տակ կարող են լինել մինչև 70 դպրոցական և ուսուցիչ։ Տեղում աշխատում են փրկարար խմբերն ու զորամասերը։

Փլուզված երկհարկանի միջնակարգ դպրոցի շենքը գտնվում է Ջոսում՝ Պլատո նահանգի կենտրոնում։ Շենքի փլուզված հատվածում կրտսեր դասարանների աշակերտները քննական թերթիկ են լրացնելիս եղել։

Նիգերիայում դպրոցի շենքի փլուզման պատճառով 16 աշակերտ է մահացել, տասնյակները փլատակներում են