«Հաջորդիվ՝ լողավազանի հարցը»․ Հակոբ Բադալյան

Քաղաքական մեկնաբան Հակոբ Բադալյանի ֆեյսբուքյան գրառումը. «Հետքը գրում է, որ խորհրդարանի այգում կկառուցվի ամառային սրճարան-բար, հայտարարվել է մրցույթ և հայտնի է հաղթող ընկերությունը:
Դեռ մի կողմ թողնենք, թե այդ բիզնեսը ըստ էության ում համար է արվելու:
Անդրադառնանք հարցի ՊԵՏԱԿԱՆ ասպեկտին: Դե, ինչպե՞ս կարող է պետության թիվ մեկ քաղաքական, առաջնային մանդատի կրող միակ ներկայացուցչական ինստիտուտը նորմալ աշխատել առանց ամառային սրճարանի: Կարծում եմ, որ քաղաքական արդիականացման, օրենսդրական գործունեության որակի և արդյունավետության բարձրացման հրամայականը պահանջում է, որպեսզի հաջորդիվ անպայման լուծվի նաև լողավազանի, ավելի լավ կլինի՝ արհեստական լողափի կազմակերպման հարցը»։