«Ուկրաինան ԱՄՆ-ի փողերով մահափորձ էր նախապատրաստել Պուտինի դեմ»․ Զախարովա

741

Կիրակի, 14 հուլիսի, 2024 թ., 13:12

ՌԴ նախագահ Վլադիմիր Պուտինի դեմ մահափորձը, որի մասին խոսել է Ուկրաինայի հետախուզական վարչության ղեկավար Կիրիլ Բուդանովը, նախապատրաստվել էր ամերիկյան փողերով, այս մասին Telegram-ի իր ալիքում հայտնել է ԱԳՆ պաշտոնական ներկայացուցիչ Մարիա Զախարովան։ «Երեկ Կիևի ռեժիմի պարագլուխներից Բուդանովը խոստովանել է, որ ուկրաինական հետախուզությունը մահափորձ էր նախապատրաստում ՌԴ նախագահի դեմ։ Այնպես որ, մահափորձը պատրաստվում էր կրկին ամերիկյան գումարներով»,- նշել է նա։

Հիշեցնենք՝ նախօրեին Բուդանովը պատմել էր Պուտինի դեմ անհաջող մահափորձերի մասին։ Արձագանքելով՝ ՌԴ նախագահի մամուլի խոսնակ Դմիտրի Պեսկովը նշել էր, որ ՌԴ նախագահի անվտանգությունն ապահովված է պատշաճ մակարդակով։