«Միստիկ մահաբեր մթնոլորտի մասին»․ Սևակ Հակոբյան

«Բագրատ Սրբազանը Նիկոլ Փաշինյանին համարում է չարիք, կամ դրա ներկայացուցիչ, որը պարտադիր պետք է հեռանա, որ մեր երկրի վրա լույս բացվի»,-«Կարճ ասած»-ի հերթական թողարկման ժամանակ ասաց հաղորդաշարի հեղինակ Սևակ Հակոբյանը։ «Սրբազանն ասում է՝ որտեղ նա գնում է, մահ է․ Արցախ է գնում՝ մահ է, հանձնում է, Վարդենիս է գնում՝ զինվորներ են մոխրանում, սեղանի վրա ջուր է լցնում ու քարտեզ կազմում, էդ հատվածներում ջրհեղեղ է լինում։ Ու եզրակացնում է՝ այդ մարդը կախարդ է, թուղթ ու գիր է արել մեր երկրի վրա։ Հիմա մտածում ու նկատում եմ՝ Սրբազանի ասած թուղթ ու գիրը մենք ամեն օր կարդում ենք ոստիկանության լրահոսում՝ կրակոցներ, սպանություններ, ծեծ, դժբախտ պատահար, անտրամաբանական մահ, բոլորը իրար ատում են, թշնամանք, պառակտում։ Ինչպես մեկ անգամ ասել եմ, էնքան է ազգին Փաշինյանը պառակտել, որ մեծամասնությունը նրան դեմ լինելով անգամ, չի միաբանվում, այ այդքան պառակտված է»,-ասաց Հակոբյանը։