Երեքշաբթի, 22 սեպտեմբերի, 2026 թ.
|
Ստեփանակերտում`   +23 °C

Ուկրաինայի դեսպանությունը խնդրել է Մեքսիկային՝ ձերբակալել Պուտինին

Ուկրաինայի դեսպանությունը խնդրել է Մեքսիկային՝ ձերբակալել Պուտինին
278
Հինգշաբթի, 08 օգոստոսի, 2024 թ., 15:48

Մեխիկոյում Ուկրաինայի դեսպանությունը խնդրել է Մեքսիկայի կառավարությանը ձերբակալել Ռուսաստանի նախագահ Վլադիմիր Պուտինին, եթե նա հոկտեմբերի 1-ին ժամանի երկրի նորընտիր նախագահ Կլաուդիա Շեյնբաումի երդմնակալության արարողությանը։

Նախօրեին Մեքսիկայի ընտրյալ նախագահը հաստատել էր, որ իր պաշտոնամուտին ներկա գտնվելու հրավեր է ուղարկել աշխարհի մի քանի տասնյակ պետությունների ղեկավարներին, այդ թվում՝ Ռուսաստանի նախագահին։

«Մենք վստահ ենք, որ Մեքսիկայի կառավարությունը կգործի Միջազգային քրեական դատարանի՝ 2023 թվականի մարտին հրպարակած որոշման համապատասխան»,- նշված է ուկրաինական դեսպանատան հայտարարության մեջ։