«Նիկոլ Փաշինյանը, իր վարած արտաքին քաղաքականությամբ, ՀՀ-ին զոհից դարձնում է ագրեսոր». Իշխան Սաղաթելյան

Գանձասարն ու Դադիվանքը Կովկասյան Աղվանքի ժառանգություն հռչակող Բաքուն հիմա էլ հայկական կողմին մեղադրում է Դադիվանքից որմնանկարներ, խաչքարեր և այլ մշակութային արժեքներ Հայաստան տեղափոխելու մեջ։ «Սա ուղիղ հետևանք է ՀՀ վարած արտաքին քաղաքակության ու էն արձագանքի, որ տեղի է ունեցել մինչև այսօր: Բազմիցս ասել եմ՝ Նիկոլ Փաշինյանը, իր վարած արտաքին քաղաքականությամբ, ՀՀ-ին զոհից դարձնում է ագրեսոր: Ինչո՞ւ է Ադրբեջանը շարունակում խեղաթյուրել իրականությունը. որպեսզի խուսափի էթնիկ զտման պատասխանատվությունից ու էն ամենից, ինչ արել է Արցախում: Փորձում է վերացնել հայկական հետքն ու ցույց տալ, որ Արցախը երբեք հայկական չի եղել: Էդ հարցում ՀՀ իշխանությունները օգնում են»,- ճեպազրույցի ժամանակ ասել է ընդդիմադիր պատգամավոր Իշխան Սաղաթելյանը: