«Իսրայելը համաձայնել է զորքերի մի մասը դուրս բերել Գազայից»․ Բլինքեն

ԱՄՆ պետքարտուղար Էնթոնի Բլինքենը հայտարարել է, որ Գազայի հատվածում Իսրայելի և արմատական պաղեստինյան ՀԱՄԱՍ շարժման միջև հրադադարի մասին համաձայնագրի շրջանակներում իսրայելական կողմը համաձայնել է Գազայի հատվածից դուրս բերել ՑԱԽԱԼ-ի մի քանի ստորաբաժանումներ:
Բլինքենը հստակեցրել է, որ ԱՄՆ-ն թույլ չի տա երկար ժամանակ Գազայի օկուպացիան Իսրայելի կողմից: Նա ընդգծել է, որ համաձայնագրում ամրագրված են Գազայի հատվածից իսրայելական բանակի դուրսբերման բոլոր ժամկետներն ու վայրերը, հաղորդում է ՏԱՍՍ-ը:

ԱՄՆ պետքարտուղարը նշել է, որ Իսրայելի վարչապետ Բենյամին Նեթանյահուն անձամբ հավանություն է տվել համաձայնագրի պայմաններին և երկու կողմերի երկխոսության հետագա շարունակմանը: Այժմ բանակցություններն ընթանում են միջնորդների՝ Եգիպտոսի, Կատարի և ԱՄՆ-ի միջոցով։