Արցախի հարցով հանձնախումբը շարունակում է արցախցիների իրավունքների պաշտպանությանն ուղղված աշխատանքները

Արցախի Հանրապետության օրենսդիր և գործադիր մարմինների ներկայացուցիչներն այսօր հանդիպել են Արցախի հարցով միջազգային հանձնախմբի անդամների հետ։ Այս մասին գրում է «Ապառաժը»։

Ըստ հանձնախմբի համակարգող Վարդան Օսկանյանի զեկույցի՝ հանձնախումբը արտերկրում տասնյակ հանդիպումներ է ունեցել հայազգի քաղաքական գործիչների և միջազգային տարբեր կառույցների ներկայացուցիչների հետ, այդ թվում՝ Հարավային Կովկասի ու Վրաստանի ճգնաժամի հարցերով ԵՄ հատուկ ներկայացուցչի հետ։ Հանդիպումների հիմքում Արցախի ժողովրդի իրավունքների պաշտպանությունն ու միջազգային երաշխիքներով Արցախի ժողովրդի հավաքական վերադարձի և իր հայրենիքում ապահով, անվտանգ ու արժանապատիվ ապրելու իրավունքի պաշտպանությունն ու հետապնդումն է։

Հանձնախումբը ստեղծվել է Արցախի խորհրդարանի կողմից, կոչված է՝ զբաղվելու Արցախի ժողովրդի հավաքական վերադարձի և նրանց իրավունքների պաշտպանության հարցերով։