«Առաջիկա օրերին ՌԴ-ն լայնամասշտաբ հարձակում կձեռնարկի»․ Ուկրաինայում ԱՄՆ դեսպանատուն

Ուկրաինայում ԱՄՆ դեսպանատունը նախազգուշացրել է, որ Ռուսաստանը կարող է Ուկրաինայի Անկախության օրը (օգոստոսի 24-ին) լայնամասշտաբ հրթիռային հարձակում սկսել։

Դիվանագիտական ներկայացուցչությունն իր հայտարարության մեջ նշել է, որ այս ժամանակահատվածում հնարավոր են սադրանքներ և ռազմական գործողությունների սրում ռուսական ուժերի կողմից, ինչը հատկապես վտանգավոր է դարձնում իրավիճակը:

Ամերիկացի դիվանագետները խստորեն խորհուրդ են տալիս Ուկրաինայի տարածքում գտնվող ԱՄՆ քաղաքացիներին ձեռնարկել անհրաժեշտ բոլոր նախազգուշական միջոցները՝ խուսափելու մարդաշատ վայրեր այցելելուց և հետևելու տեղական իշխանությունների ցուցումներին: Հարձակումների հնարավոր սպառնալիքի պատճառով դեսպանատունը նաև խորհուրդ է տալիս զերծ մնալ մարզեր այցելելուց, որոնք կարող են թիրախ դառնալ հարվածների համար։