«Հիշելը շատ քիչ է, կոնկրետ գործն է պակասում»․ Կարեն Վրթանեսյան

Ռազմական փորձագետ Կարեն Վրթանեսյանի ֆեյսբուքյան գրառումը․ «Նիկոլը և իր հանցախումբը, Ալիևը, Էրդողանը շատ կուզեին, որ մենք մոռանանք Արցախը։
Արցախն, իհարկե, չենք մոռանա։ Գոնե մի քանի սերունդ կհիշենք։ Բայց հիշելը շատ քիչ է։
Կոնկրետ գործն ա պակասում։
Ժամանակին ասում էինք. Արևմտյան Հայաստանի ազատագրման ճանապարհը Բերձորով ու Քարվաճառով է անցնում։
Հիմա ավելի վատ վիճակում ենք, նահանջի մեջ ենք։
Արցախի ազատագրման ճանապարհը Հանրապետության հրապարակով է անցնում։ Մինչև չազատագրենք Հայաստանի Հանրապետությունը, Արցախը չենք ազատագրելու։
Բայց սա ասելն էլ է քիչ։ Ամեն մեկս ամեն օր ի՞նչ ենք անում Հայաստանն ազատագրելու համար։ Ի՞նչ պիտի անենք այսօր, վաղը, մյուս շաբաթ, հաջորդ ամսվա ընթացքում, մինչև տարվա վերջ, մյուս տարի, հաջորդ տաս տարում...
«Մենք անպայման վերադառնալու ենք»-ը, եթե տակը կոնկրետ գործողություն չկա, ինքնախաբեություն է։
«Վճռական քայլեր են պետք»-ը կոնկրետ աշխատանքից խուսափելու սիրուն պատրվակ է, եթե այդ քայլերը միայն ուրիշից եք պահանջում, ոչ թե ինքներդ ձեզնից»։