«Հայկ Կոստանյանը փորձել է մանիպուլացնել հանրությանը»․ Արթուր Չախոյան

Բլոգեր Արթուր Չախոյանի ֆեյսբուքյան գրառումը․ «Երևանի քաղաքապետարանի մամուլի քարտուղար Հայ Կոստանյանն արձագանքել է երեկվա «դոլարներով» անցկացրած ակցիային՝ մանիպուլացնելով հանրությանը։
Հայկ Կոստանյանը գրել է...
«Նոր գլխավոր հատակագծում Երևան քաղաքի այգիները, զբոսայգիները և պուրակները հին ձևակերպումից դուրս են եկել և ձևակերպվել են որպես ընդհանուր օգտագործման հողեր, մասնավորապես՝ զբոսայգիներ և պուրակներ, ինչը միանշանակ համապաասխանում է Հողային օրենսգրքիոր ձևակերպումներին։ Ըստ այդմ՝ կարելի է ենթադրել, որ առկա ձևակերպման պարագայում ՀԱՄԱՅՆՔԱՅԻՆ ԱՅԳՈՒ ՏԱՐԱԾՔՈՒՄ ԱՌԿԱ ՀՈՂԸ ՉԻ ԿԱՐՈՂ ՄԱՍՆԱՎՈՐԵՑՎԵԼ ԿԱՄ ՕՏԱՐՎԵԼ»։
Հայկ Կոստանյանը, լինելով Երևանի քաղաքապետարանի մամուլի քարտուղար, իր երկար գրած բառակապակցության շնորհիվ փորձել է մանիպուլացնել հանրությանը, իբրև թե քաղաքապետարանը պուպուշ ա, իսկ Արթուր Չախոյանը չկոռումպացված, սուրբ Երևանի քաղաքապետարանի վրա շառ ա անում։
Ուրեմն, Հայկ Կոստանյանի արձագանքը ոչ մի հիմքեր չի պարունակում, քանի որ հենց Հայկ Կոստանյանն է իր հրապարակման մեջ գրել. «Ըստ այդմ՝ կարելի է ենթադրել, որ առկա ձևակերպման պարագայում ՀԱՄԱՅՆՔԱՅԻՆ ԱՅԳՈՒ ՏԱՐԱԾՔՈՒՄ ԱՌԿԱ ՀՈՂԸ ՉԻ ԿԱՐՈՂ ՄԱՍՆԱՎՈՐԵՑՎԵԼ ԿԱՄ ՕՏԱՐՎԵԼ»։
Այսինքն մամուլի քարտուղարի արձագանքը հիմնված է ենթադրությունների վրա, այլ ոչ թե հստակ փաստերի վրա։

Հայկ Կոստանյանի գրած հաջորդ փուչիկը
Զբոսայգիները և պուրակները հին ձևակերպումից դուրս են եկել և ձևակերպվել են որպես ընդհանուր օգտագործման հողեր, մասնավորապես՝ զբոսայգիներ և պուրակներ։
Հայկ Կոստանյանը կրկին անգամ մանիպուլացնում է հանրությանը, մեջբերելով անհեթեթ հիմնավորումներ, թե ձևակերպումները փոխվել են, բայց իր գրած ենթադրությունները ոչ մի կապ չունեն իմ գրածի կամ ասածի հետ։
Հստակ
Քանի որ Տորք Անգեղ հանրային կանաչ այգու տարածքի մեծ մասի հողի նշանակությունը նոր հաստատված գլխավոր հատակագծով փոխվել է և ճանաչվել է «Բնակավայրերի հողեր, ընդհանուր օգտագործման հողեր», դրանով իսկ ենթակա է օտարման:
Իսկ եթե Տորք Անգեղ հանրային կանաչ այգու ամբողջ տարածքը նոր հաստատված գլխավոր հատակագծում լիներ որպես «Բնակավայրերի հողեր, Զբոսայգիներ և պուրակներ», ապա այդ ժամանակ կանաչ այգու տարածքները ենթակա չէին լինի օտարման:
Դրա համար են հանրային այգու տարածքը կիսել, որ կոպեկներով դիլիմ-դիլիմ ծախեն, ոնց որ 4.288 մակերեսով հողատարածքը որի մեջ լիճ կա պետությունը ծախեց 28.950 դրամով, ու հետո ասեն, թե բա ամեն ինչ օրենքով ա, մենք գիդենք ձեր օրենքովը ոնց է լինում։.... »։