Նավթի համաշխարհային գները շարունակում են աճել

Համաշխարհային նավթի գները կտրուկ աճում են գրեթե 5%-ով, իսկ Brent տեսակի նավթի մեկ բարելի գինը մայիսի 22-ից ի վեր առաջին անգամ գերազանցել է 106 դոլարը, ըստ առևտրային տվյալների։

Brent տեսակի նավթի նոյեմբերյան ֆյուչերսների արժեքը նախորդ փակման համեմատ աճել է 4,75%-ով՝ հասնելով բարելի դիմաց 106,02 դոլարի, մայիսի 22-ից ի վեր առաջին անգամ այդ ցուցանիշը գերազանցում է 106 դոլարը։

WTI նավթի հոկտեմբերյան ֆյուչերսները աճել են 4.57%-ով՝ հասնելով մեկ բարելի համար 100.44 դոլարի։