«Ռատատույ» և «Անհավանականները» մուլտֆիլմերի անիմատորը դատապարտվել է 25 տարվա ազատազրկման մանկապղծության համար

Disney-ի 59-ամյա մուլտիպլիկատոր Բուհալեմ Բուչիբան՝ «Անհավանականները» և «Ռատատույ» մուլտֆիլմերի հեղինակը, մեղավոր է ճանաչվել սեռական հանցագործությունների մեջ և դատապարտվել 25 տարվա ազատազրկման, գրում է Le Figaro-ն։
Մուլտֆիլմերի հեղինակին մեղադրել են նաև մարդկանց թրաֆիքինգի համար։

Ըստ քննիչների՝ 2012-ից 2021 թվականներին Բուչիբուն Ֆիլիպիններում վճարել է կանանց՝ երեխաների նկատմամբ սեռական ոտնձգությունների համար, այնուհետև նկարահանել դրանք: Նա ուղիղ եթերում հետևել է, թե ինչ է կատարվում։ Բացի այդ, ինքը՝ Բուխալեմը, ինքն է այլասերել անչափահասներին ու հրահանգել, թե ինչ անել։

Փարիզի դատարանն ապացուցել է Բուչիբայի մասնակցությունը Ֆիլիպիններում մի քանի հարյուր երեխաների նկատմամբ բռնություններին։ Դատախազները հաշվարկել են, որ նա դրա վրա ծախսել է ավելի քան 50000 դոլար:

Անիմատորի զոհերի թվում կան 5-ից 10 տարեկան երեխաներ։ Դեպքը բացահայտվել է, երբ հայտնաբերվել են կասկածելի դրամական փոխանցումներ Ֆիլիպիններ, որոնք նկարիչը պարբերաբար ուղարկել է տարբեր կանանց։

Դատարանում Բուհալեմը խոստովանել է հանցանքները՝ ասելով. «Պեդոֆիլիան իմ մեջ է»։ Նա դատապարտվել է 25 տարվա ազատազրկման ճաղերի հետևում։

Ինչպես պարզվել է, 2014 թվականին նա արդեն դատվել է խորթ դստեր նկատմամբ բռնություն գործադրելու համար։ Բայց հետո նրան պայմանական են դատապարտել։

Բուհալեմը հայտնի մուլտիպլիկատոր է, ով աշխատել է Disney-ի և Pixar-ի բազմաթիվ հայտնի նախագծերի վրա: Նրա աշխատանքների թվում են անիմացիաներ «Նոտր Դամի կուզիկը», «Հերկուլես», «Տարզան» և «Անհավանականները» ֆիլմերի համար: Բացի այդ, նա եղել է հիմնական անիմատորներից մեկը այնպիսի նախագծերում, ինչպիսիք են «Լիլոն և Սթիչը»-ն և «Ռատատոյ»-ը: