«Սունդուկյան թատրոնի կողմից «Գոյ» թատրոնի տարածքն օգտագործելու, տնօրինելու իրավունքը կասեցված է»․ Կարո Ասատրյան
![]() 1030 Երկուշաբթի, 04 նոյեմբերի, 2024 թ., 12:54 Երեկ «Գոյ» թատրոնը ֆեյսբուքյան իր էջում հայտարարություն էր տարածել, որ Արդարադատության նախարարության կողմից պարզաբանում են ստացել, ըստ որի՝ 9 ամիս շարունակ ապօրինաբար դադարեցվել է «Գոյ» թատրոնի գործունեությունը: Թատրոնը նշում էր նաև, որ վերսկսելու են իրենց բնականոն աշխատանքը՝ մինչ այդ գործով դատարանի վերջնական վճիռը։ Այսօր «Գոյ» թատրոնի ներկայացուցիչները՝ իրենց փաստաբանի հետ միասին, հավաքվել են Սունդուկյանի անվան ազգային ակադեմիական թատրոնի մոտ, որպեսզի տնօրենին ներկայացնեն Արդարադատության նախարարության պարզաբանումը և հասկանան իրենց հետագա անելիքը։ Փաստաբան Կարո Ասատրյանը լրագրողների հետ զրույցում ասել է․ «Ես փաստում եմ, որ Սունդուկյան թատրոնի կողմից «Գոյ» թատրոնի տարածքը օգտագործելու, տնօրինելու իրավունքը կասեցված է։ Արդարադատության այս գրությունը որպես հավելյալ պարզաբանում է ներկայացվել՝ համաձայն վարչական դատարանի հայցադիմումը վարույթ ընդունելու մասին որոշման»։ Ավելի ուշ Սունդուկյան թատրոնի փաստաբանն իր հերթին նշել է, որ Արդարադատության նախարարության պարզաբանումը հիմք չէ՝ բացել «Գոյ»-ի դռները և շարունակել նրա գործունեությունը։ «Գոյ»-ի ներկայացուցիչները զանգահարեցին ոստիկանություն, որպեսզի ոստիկանության աշխատակիցները մոտենան Սունդուկյան թատրոնի մուտքի մոտ՝ նշելով, որ խախտվում են որոշակի իրավունքներ։ Հիշեցնենք՝ այս տարվա մարտին կառավարության որոշմամբ «Գոյ» թատրոնը լուծարվել է՝ միավորվելով Սունդուկյանի անվան ազգային ակադեմիական թատրոնին։ «Գոյ»-ի տնօրինությունը և դերասանական անձնակազմը որոշումը վիճարկել են դատարանում և սպասում են վճռին։ |
«Ովքեր չեն կարողանում լուծել Հայաստանում արցախցիների կեցությունն ապահովելու խնդիրը, պիտի հրաժարական տան». Լիլիթ Բլեյան
273Երեկ, 20:48«Սոցապ փոխնախարարն ասում է՝ ձեր փոխարեն կերազեի՝ փոխվարչապետի հետ հանդիպել». Մարիամ Աբրահամյան
279Երեկ, 20:36Հայաստանի պատմության թանգարանի շենքի վրա լուսավորվել են պետության երկու խորհրդանիշները (լուսանկար)
196Երեկ, 19:54Մահացել է Ռաֆայել Գրիգորյանը
31702.04.2025, 14:48Վերաբացվել է հայկական արվեստի մշտական ցուցադրությունը
57029.03.2025, 03:06Հայտնի են «Արտավազդ 2025» մրցանակաբաշխության արդյունքները (լուսանկար)
60728.03.2025, 01:06«Սոֆի Դևոյանի՝ Հայաստանը ներկայացնող պարախումբն է՝ թրքական գործվածքի դետալներով համալրված հագուստով». Գոհար Ասատրյան (լուսանկար, տեսանյութ)
78427.03.2025, 21:42Մահացել է Արայիկ Օհանյանը (Արզօ)
101523.03.2025, 12:24