«Արևմուտքը ձեռնոց նետեց, Մոսկվան պատասխանեց»․ Մհեր Հակոբյան

Ռազմաքաղաքական հարցերով վերլուծաբան Մհեր Հակոբյանը ֆեյսբուքյան իր էջում գրել է. «Ռուսական միջմայրցամաքային բալիստիկ հրթիռն է, որը նախատեսված է ատոմային հարվածների համար, բայց որն այսօր Դնեպրոպետրովսկի վրա կիրառվեց առանց ատոմային մարտագլխիկի: Դա, սակայն, չի թեթևացնում դրությունը, քանի որ, հաշվի առնելով հեռավորությունը և ատոմային մասի բացակայությունը, հրթիռը ունեցել է մոտ 2000 կգ պայթուցիկ մաս - 4 Իսկանդերի ուժ: Հարվածից անմիջապես առաջ հրթիռը բաժանվում է 6 մասերի՝ 6 հարվածները մենք տեսնում ենք տեսանյութում:
Սրանով Պուտինը պատասխանեց իր դեմ արևմտյան հրթիռների կիրառմանը, որոնք Ուկրաինայի տարածքից կիրարկվել էին դեպի ՌԴ տարածքի խորքեր՝ արևմտյան մասնագետների և Արևմուտքի լոգիստիկ աջակցությամբ: Իր հերթին մեկ ժամ առաջ Պուտինը հայտարարեց, որ Ռուսաստանն իրեն իրավունք է վերապահում զենք կիրառել այն երկրների օբյեկտների դեմ, որոնք թույլ են տալիս իրենց զենքն օգտագործել ռուսական օբյեկտների դեմ: Այստեղ բառերը կարևոր են՝ չասվեց, որ կհարվածեն Ուկրաինայից դուրս տարածքներում գտնվող թշնամական օբյեկտներին, բայց նաև չմերժվեց այդ հնարավորությունը:
Արևմուտքը ձեռնոց նետեց, Մոսկվան պատասխանեց: Աստված աշխարհի ուժեղներին խելք տա, որ Երկրագունդը չվերածեն ատոմային անապատի...»։