«Ուկրաինան արդեն ապացուցել է, որ երբեք չի կորցնի իր պետականությունը»․ Սամվել Ասլիկյան

ԱԺԲ անդամ Սամվել Ասլիկյանի ֆեյսբուքյան գրառումը․ «Կրեմլը ապացուցում է, որ ուկրաինական հակամարտությունը կարող է ավարտվել միայն Ուկրաինիայի պետականության անկմամբ կամ պուտինյան ռեժիմի տապալումով և ուկրաինական բոլոր տարածքների ազատագրմամբ։ Ուկրաինան արդեն ապացուցել է, որ երբեք չի կորցնի իր պետականությունը։
Եթե ​​նույնիսկ լինի հակամարտության սառեցում, ինչին ես չեմ հավատում և հենց Մոսկվան չի ցանկանում, դա ժամանակավոր կլինի, և որոշ ժամանակ անց պատերազմը կվերսկսվի նոր թափով։
Էլ չեմ ասում, որքան վնաս և վտանգ կբերի այդ «սառեցումը» Հայաստանի համար: Զայրացած արջն իր զայրույթը կտեղափոխի Վրաստան ու Հայաստան:
Գնդակը գտնվում է Արևմուտքի դաշտում։ Կամ վախկոտ Արևմուտքը հիմա է գալիս այն եզրակացության, որ Կիևին այնքան է պետք զինել, որ ռազմաճակատում ուկրաինական հաղթանակների շնորհիվ պուտինյան ռեժիմը հիմնովին տապալվի, կամ այդ եզրակացության կգան այն ժամանակ, երբ մեծ համաշխարհային պատերազմին րոպե պակաս կլինի»։