«Թրամփի վարչակազմի հայամետ գործիչները պատրաստ են աջակցել հայությանը, բայց ոչ ՀՀ ներկայիս վարչակարգին». «ՀայաՔվե»

«ՀայաՔվե»-ի ֆեյսբուքյան գրառումը. «ԱՄՆ գործող և ընտրված վարչակազմերն արհամարհական վերաբերմունք ունեն Փաշինյանի նկատմամբ։
Թեև Թրամփի վարչակազմում մի շարք հայամետ ազդեցիկ գործիչներ կան, նրանք ավելի շատ պատրաստ են աջակցելու հայությանը և Հայաստանին, բայց ոչ Հայաստանի ներկայիս պարտվողական և ապաշնորհ վարչակարգին։
• Այս պայմաններում մեր խնդիրը պետք է լինի մի կողմից թույլ չտալը, որ Փաշինյանը և Բաքվի նրա գործընկեր Ալիևն օգտվեն իրավիճակից և Հայաստանի դեմ նոր ագրեսիա սկսեն, մյուս կողմից՝ հետևողականորեն պետք է ավելացնել ներքին ճնշումը՝ Փաշինյանի՝ արդեն իսկ երերող, ներքին ճաքեր տվող վարչախմբից ազատվելու համար։
Կլինի դա նրան անվստահություն հայտնելու, թե արտահերթ կամ հերթական ընտրությունների միջոցով, ազգային ուժերը պետք է համախմբեն իրենց կարողությունները և պատրաստ լինեն ցանկացած տարբերակի, որի արդյունքում մենք կազատվենք ազգային խարան դարձած այս իշխանությունից»: