Ուշագրավ դեպք՝ Երևանում․ ծննդաբերությունից հետո կինը «ծննդաբերել է» միոմատոզ հանգույց

1681

Հինգշաբթի, 09 հունվարի, 2025 թ., 17:42

Արտառոց դեպք է տեղի ունեցել «Աստղիկ» ԲԿ-ում․
5-6 ժամ ծննդաբերելուց հետո կնոջ մոտ ծննդաբերական ցավերը վերսկսվել են: Կատարվել է գերձայնային հետազոտություն, արդյունքում հայտնաբերվել է մեծ միոմատոզ հանգույց:
ԲԿ-ն հայտնում է, որ կինը հղիության ընթացքում հսկվել է, սակայն հանգույցը վտանգ չի ներկայացրել․ ծննդաբերության ընթացքում, երբ արգանդը սկսել է կրճատվել, միոմատոզ հանգույցը սկսել է աճել դեպի արգանդի խոռոչ:
Իրավիճակը բավականին բարդ է եղել, հարց է առաջացել՝ պահպանել արգանդը, թե հեռացնել: Սակայն ի վերջո ընդունվել է որոշում կատարել օրգանպահպանողական վիրահատություն:

Աղբյուրը` «Աստղիկ» ԲԿ