«Մի օր էլ կհայտարարի, թե մեզ այս տարածքի հետ ոչ մի բան չի կապում»․ Կարեն Վրթանեսյան

Ռազմական փորձագետ Կարեն Վրթանեսյանի ֆեյսբուքյան գրառումը․ «Մի օր էլ տեղից կհելնի, կհայտարարի, թե. «Գիտեեեք ինչ, ես ուսումնասիրեցի, ու հասկացա, որ, ըստ էության, մեզ այս տարածքի հետ ոչ մի բան չի կապում»։ Հետո կասի, որ կնիկն էլ «Վիքիպեդիայում» կարդացել ա, որ որպես պետություն մենք ավելի լավ Գրենլանդիայում կզարգանանք։ Կամ, խոսքի՝ Իսլանդիայում։
Հետո հետույքից կհանի լատունից լազերով կտրած Գրենլանդիայի մակետը, թափ կտա տեսախցիկների առջև, քառակուսի կիլոմետր ու մղոն կխառնի իրար, մենք էլ էլի կնստենք, կսկսենք լուրջ-լուրջ քննարկել, կիլոմետրը մղոնի վերածել ու հակառակը։
Ախպոր պես, թարգե՛ք։
Օրակարգը սա է.
Ինչպե՞ս ենք միավորվում, ինչպե՞ս ենք կազմակերպվում
Ինչպե՞ս ենք ստեղծում դիմադրության ենթակառուցվածքը
Ինչպե՞ս ենք մոբիլիզացվում, դառնում մեր քաղաքական իրավունքները պաշտպանելու ունակ զորք»։