Տատիկից ժառանգած քյամարը կամ քավորի նվեր ոսկին չեք կարող վաճառել. «Ժողովուրդ»
![]() 556 Հինգշաբթի, 16 հունվարի, 2025 թ., 09:30 «Ժողովուրդ» օրաթերթը գրում է. «2025 թվականի հունվարի 1-ից շրջանառության հարկի օրենսդրական փոփոխություններից հետո ոչ միայն առևտրական գործունեության հարկը 5%-ից բարձրացավ 10%-ի, այլև ոսկի վաճառողը այսուհետև պետք է ներկայացնի ապրանքի ձեռքբերման աղբյուրը հավաստող փաստաթղթեր։ Ոսկերիչների առաջ դրվել է ոչ միայն ֆակտուրա ներկայացնելու պահանջ, այլև մի շարք այլ դրույթներ ևս, որոնց մասին «Ոսկու շուկայի» մի մասն իրազեկվել է, մի մասը՝ ոչ։ Իրազեկման թերթիկում ասվում է. «Իրազեկում 2025 թվականի հունվարի 1-ից շրջանառության հարկի օրենսդրական փոփոխությունների մասին. Առեւտրական գործունեության հարկը 5%-ից փոխվում է 10%-ի։ Այսպիսով՝ մինչև 2025 թվականի հունվարի 1-ը նվազեցվում են միայն ապրանքների ձեռքբերման փաստաթղթերով հիմնված ծախսերի 4%-ը, իսկ 2025թ. հունվարի 1-ից՝ փաստաթղթերով հիմնված բոլոր ծախսերի 9.5%-ը, իսկ շրջանառության 1.5%-ի փոխարեն՝ 1%-ը»։ Հաջորդիվ հարկային տեսչական մարմինն իրավունք է ունենալու այցելելու և ստուգելու ապրանքային շարժը, որը մինչեւ 2025 թվականի հունվարի 1-ը իրավունք չուներ։ Փաստացի ստուգման պահին ապրանքային մնացորդները եթե տարբերություն տան, ոսկեվաճառները կտուգանվեն: Այսինքն՝ ոսկեղենի բոլոր տեսակները պետք է գրանցված լինեն և ունենան ձեռքբերման փաստաթուղթ: Եթե չունենան, հաշվարկված գումարի 20%-ի չափով վճարվելու է տուգանք, իսկ մեկ տարվա ընթացքում կրկին նույն արարքը կատարելու դեպքում՝ 50%-ի չափով տուգանք։ Ստացվում է, որ տատիկի քյամարը և քավորի ոսկյա նվերը այլևս ոչ մի ոսկերիչ կամ «ոսկի առնեմ», «ոսկի՞ եք վաճառում» բղավող շուկայում չի գնի՝ առանց ձեռքբերման հավաստման փաստաթղթի։ Նման կերպ Կառավարությունը փորձում է, ինչպես տնտեսվարողներն են ասում, մանր և միջին բիզնեսի վերջը տալ, ասել է թե՝ ոլորտը դարձնել օլիգարխիկ մոնոպոլիստների, խոշորների զբաղմունքը»: Մանրամասները՝ թերթի համարում: |
«Մեր արդար քրտինքով ֆիանսավորվող կառույցներում ինչո՞ւ ենք նման կատաղած վճարումներ անում»․ Սամսոն Գրիգորյան
215Երեկ, 16:45Շուրջ 50 հազար ԱՄՆ դոլար արժեցած «դարի հաղթանակը»՝ պատուհաս Կառավարության համար. «Ժողովուրդ»
277Երեկ, 09:00«Պետրոսը կարգադրել է բոլորին՝ Բագրատյանը Հ1 չպիտի գա»․ Հրանտ Բագրատյան
275Երեկ, 01:36«Զարմանում էի՝ ինչո՞ւ եմ իմ տան համար վճարում 5000 դրամ»․ Արսեն Թորոսյան (տեսանյութ)
35918.04.2025, 15:12«Բա խի՞ չեք ասում, որ Վարդենիսում մարդը գույքահարկի 200 դրամի փոխարեն 5000 է վճարելու»․ Արման Ղազարյան (տեսանյութ)
43918.04.2025, 14:36«Coffee House»-ը 125 մլն դրամ է վերադարձրել պետությանը
30917.04.2025, 16:18Արտահերթ կլինի, իշխանությունը «զադնի» է դնում․ «Հրապարակ»
45717.04.2025, 09:06Իրաքը Թուրքիայի և Իտալիայի հետ ստորագրել է ստորջրյա նավթամուղի կառուցման համաձայնագիր
35116.04.2025, 21:08