«Պահանջագիր կներկայացվի վարչապետին և կառավարությանը». Նարինե Դիլբարյան

ԵՊՀ Հայոց լեզվի պատմության ամբիոնի դոցենտ Նարինե Դիլբարյանի ֆեյսբուքյան գրառումը. «Պայքար մեր հայրենակիցների ազատ արձակման համար՝ բոլոր ատյաններում։ Կպայքարենք. կվերադարձնենք մեր քաղաքացիներին, մեր արժանապատվությունը, ուժն ու միասնությունը։ Ի լուր. Հունվարի 17- ին՝ ժամը 14:00, «Միասին» շարժումը կառավարության 1-ին շենքի առջև իրականացնելու է բողոքի գործողություն ի պաշտպանություն Բաքվում ապօրինի ազատազրկված ՀՀ գերիների և պատանդառված անձանց իրավունքների։ «Միասին» շարժումը պահանջագիր կներկայացնի վարչապետին և կառավարությանը՝ մեր հայրենակիցներին անհապաղ և աննախապայման հայրենիք վերադարձնելու համար անհրաժեշտ քայլերի վերաբերյալ։ Բոլորիս մասնակցությունը կարևոր է՝ կանխե՛նք Բաքվի նոր ցեղասպանական գործողությունն՝ այս անգամ կեղծ դատերի տեսքով»: