«Այսօր փաստացի Հայաստանում քաղաքական դեֆոլտ է». Հակոբ Հակոբյան

Արցախի «Արդարություն» կուսակցության համանախագահ Հակոբ Հակոբյանը գրում է․ «Այսօր փաստացի Հայաստանում քաղաքական դեֆոլտ է՝ ընտրողների և գործող կառավարության միջև այլևս չկա որևէ պարտավորություն, իսկ կառավարությունն այլևս զուրկ է բարոյական լեգիտիմությունից։ Մենք բոլորս այսօր ստիպված ենք ելնել մեր շուրջ ստեղծված նոր իրականությունից։ Չտեսնել օբյեկտիվը և չգիտակցել նոր իրողությունները, նշանակում է՝ կրկին սկսել ապրել պատրանքներով և միֆերով։ Կա իրական հնարավորություն՝ փրկելու հայրենիքը, բայց՝ առանց այս կառավարության։ Մենք կարիք ունենք իրատեսական և ադեկվատ գործողությունների ճանապարհային քարտեզի: Դեռևս շատ ուշ չէ։ Անհրաժեշտ է եզրահանգումներ անել և դասեր քաղել մեր ոչ հեռու անցյալից։ Սա ենթադրում է բարձր որակի համախմբված աշխատանք»։