«Դիլիջանի ազգային պարկում 25 հա հրկիզել են` ՔՊ-ականների ծառահատումները թաքցնելու համար». Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը․ «Դիլիջանի ազգային պարկում հրդեհներն ապօրինի հատումները թաքցնելու նպատա՞կ ունեն

Դիլիջանի բնակիչները լրագրողիս բողոքել են, որ վերջերս Դիլիջանի ազգային պարկում բռնկված հրդեհները, որոնք ընդգրկել են մոտ 25 հեկտար տարածք, դիտավորության պատճառ ունեն։ Դիլիջանցիներն ասում են, որ հրդեհները բստրել են ազգային պարկում արված մեծածավալ հատումների, կտրված հաստաբուն ծառերի հետքերը թաքցնելու նպատակով։ Նրանք ասում են, որ ապօրինություններ թույլ տված պաշտոնյաների թիկունքում ՔՊ-ական իշխանությունն է։ Դիլիջանցիների խոսքերով՝ Դիլիջանի ազգային պարկում ծառայություն իրականացնող էկոլոգիական պարեկները ձախողել են իրենց վստահված գործը»: